எம்பாடு

எழுதப் படிக்கத் தெரியாத
என் அப்பா
எட்டுத்திசையும் நான்
தெரிஞ்சிக்க வேணுமுனு
ஏட்டுக்கல்வி படிக்க வைச்சாரு.

குடும்பக்கஷ்டம் தீக்க,
ஊர்ப்பேச்ச அடக்க,
மருந்து செலவப் போக்க,
பட்ட கடன அடைக்க,
வேலைக்கு வந்து சக்கரமா ஓடுறேன்…

காச மிச்சம் பிடிக்கவும் வழி இல்ல.
சேத்து வைக்கவும் வாய்ப்பில்ல..
என் சிரமத்த போக்க எந்த சாமியும் வரல.

குடும்பத்துக்காக உழைக்குறது தான்
என்னை இன்னும் ஓடவைக்குதுன்னு
நல்லா புரியுது

இயேசுநேசன்

Advertisements

ஞாயிற்றுகிழமை

இன்றொரு ஞாயிற்றுகிழமையாக இருக்கிறது என்று சொல்லிகொண்டேன்

வெம்பரப்பு பொட்டலிலிருந்து கிளம்பி வந்த வெயில்

திறக்கப்பட்ட ஜன்னல்களுக்கு வெளியே காத்திருக்கிறது

தீர்ந்த காலி கேன்கள் மாற்றாமல் இருக்கின்றன

சுத்தப்படுத்தாத அறையை ஒதுங்கவைப்பதை

இன்றும் ஒத்திவைக்கிறேன்
Read More »

முகிழ்… கவிதை உதிரி

இருப்பவனுக்கு
இயலாமை
இயலுபவனுக்கு
இல்லாமை
என்பதே
வாடிக்கை…

——————–

மிதக்கவும்
செய்கிறேன்
மிதிபடவும்
செய்கிறேன்
கற்பனைகளால்,
கற்பனைகளில்…

——————–

உனை காட்டும்
கண்ணாடி
என்கிறேன் நான்

எனை உடைத்து
சோதனை
செய்கிறாய் நீ…

——————–

புள்ளி வைத்த
ரங்கோலியோ
புது மழை
போடும் கோலம்…

——————-

சற்று வேகமாய்
உச்சிக்கொட்டியதில்
உருண்டோடியது
என் நிசப்தம்
அந்த
ஒற்றை பல்லியிடம்…

———————–

– முகிழ்.
thiru.mugizh@gmail.com